काठमाडौँ । एएफसी यू-२० महिला एसियन कप छनोटअन्तर्गत आफ्नो पहिलो खेलमा नेपालले भुटानसँग बराबरी खेलेको छ ।
भुटानमा बुधबारदेखि सुरु भएको छनोटअन्तर्गतको खेलमा नेपालले घरेलु टोली भुटानसँग १–१ को बराबरी खेलेको हो । पहिलो हाफ १–१ को बराबरीमा रहेको खेलमा दोस्रो हाफमा दुवै टोलीबाट गोल हुन सकेन ।
खेलको पहिलो मिनेटमै नेपालकी सेनु परियारले गोल गर्दै टोलीलाई पहिलो अग्रता दिलाएकी थिइन् । खेलको १८औँ मिनेटमा केल्देन वाङमोले गोल गर्दै भुटानलाई बराबरीमा फर्काइन् ।
