गैरआवासीय नेपाली संघ (एनआरएनए) न्यूजिल्याण्डको अध्यक्षमा अच्युत अर्याल निर्विरोध चयन भएका छन् । सन् २००८ मा न्यूजिल्याण्ड गएका अर्याल शिक्षण, अनुसन्धान र वातावरणीय सेवामा सक्रिय छन् ।
आइतबार सम्पन्न अधिवेशनमार्फत २०२५–२७ कार्यकालका लागि उनको नेतृत्वमा १३ सदस्यीय नयाँ कार्यसमिति गठन गरिएको हो ।
नयाँ कार्यसमितिको उपाध्यक्षमा टेकबहादुर गुरुङ र कृष्णप्रसाद भण्डारी निर्वाचित भएका छन् । महासचिवमा निर्वाचित नरहरि बासेल वैज्ञानिक हुन् भने सचिवमा सुरेश बुढा थापा र मिलन जिसी चयन भएका छन् । कोषाध्यक्षमा निर्वाचित सुलभ पौडेल पनि वैज्ञानिक पृष्ठभूमिका हुन् । उपकोषाध्यक्षमा हरिओम सापकोटा निर्वाचित भएका छन् ।
सदस्यहरूमा प्रक्षिश निरौला, सीमा थापा, उज्वल बास्ताकोटी, नमिता दवाडी, आशिक बाँस्तोला, दामोदर घिमिरे, रामचन्द्र अर्याल, सुरेश लामा र गोविन्दप्रसाद निरौला छन् ।
