काठमाडौं । युक्रेनी राष्ट्रपति भोलोडिमिर जेलेन्स्कीले रुस र चीनमाथि नयाँ आरोप लगाएका छन् ।
जेलेन्स्कीले रुस र चीनले स्वीट्जरल्याण्डमा हुन लागेको विश्व शान्ति वार्तालाई कमजोर पार्न खोजेको आरोप लगाएका छन् ।
जेलेन्स्की भन्छन् – रुस र चीनले अन्य देशहरूलाई यी वार्ताहरूमा भाग लिनबाट रोकिरहेका छन्।
जेलेन्स्कीले रुसको हतियार चीनबाट आएको आरोप लगाएका छन् ।
चीनले रुस–युक्रेन युद्धमा आफू कुनै पक्षमा नरहेको बताउँदै आए पनि अमेरिकाले चीनको यो अडानमा प्रश्न उठाउँदै आएको छ ।
यसअघि पनि चीनले रुसलाई हतियार सामग्री पठाएको आरोप लगाइएको थियो ।
रुसको अर्थतन्त्र पश्चिमी देशको प्रतिबन्धका कारण कठिन समयबाट गुज्रिरहेको छ ।
जेलेन्स्कीले हालै भनेका थिए कि युक्रेनलाई युद्धमा रुसको प्रगति रोक्न मद्दत चाहिन्छ।
अमेरिकाले युक्रेनलाई आफ्नो हतियार खार्किभ नजिकको रुसी सीमाभित्र प्रयोग गर्न अनुमति दिएको छ।
अप्रिलमा अमेरिकी संसदले युक्रेनलाई ६१ अर्ब डलरको सैन्य सहायता दिने प्रस्ताव पारित गरेको थियो।
युक्रेन र रुसबीच विगत साढे दुई वर्षदेखि युद्ध चलिरहेको छ ।
