काठमाडौँ । सामाजिक सञ्जाल बन्दको विरोधमा उत्रिएका जेनजीहरुको प्रदर्शनका कारण सोमबार दिनभरी काठमाडौँको बानेश्वरलगायतका क्षेत्र तनाव ग्रस्त बन्यो । जेनजीहरूको प्रदर्शनका प्रहरीले हस्तक्षेत्र गरेपछि स्थिति तनावग्रस्त बनेको हो ।
प्रदर्शनको क्रममा प्रहरीले चलाएको गोली लागेर काठमाडौँ उपत्यकामा १६ जनाको मृत्यु भएको छ भने अन्य धेरै जना घाइते भएका छन् । घाइतेहरूको काठमाडौँ उपत्यकाका विभिन्न अस्पतालमा उपचार भइरहेको छ ।
प्रहरीको गोली लागेर सहकर्मीको मृत्यु भएपछि जेनजीहरू थप आक्रोशित भएका छन् । अहिले साँझपखदेखि भने प्रदर्शनकारीहरूले भित्री सडकमा पनि प्रदर्शन सुरु गरेका छन् ।
जेनजीहरूको प्रदर्शनका कारण काठमाडौँको बानेश्वर आसपासको भित्री सडकलगायत न्यूरोड तनावग्रस्त बनेको छ ।
