सिड्नी (अष्ट्रेलिया) । गैरआवासीय नेपाली संघ (एनआरएनए) अष्ट्रेलियाको मतदान जारी रहेको छ । एनआरएनए अष्ट्रेलियामा आगामी २०२५–०२७ कार्याकालका लागि नयाँ नेतृत्व चयन गर्न शनिबार बिहानदेखि जारी मतदानमा नौ हजार ९४८ मत खसेको अष्ट्रेलिया निर्वाचन आयोगले जनाएको छ ।
शनिबार दिउँसो २ः४९ बजेसम्म सबैभन्दा बढी न्यू साउथ बेल्समा मतदान भएको छ । त्यहाँ दुई हजार ३४८ मत खसेको छ भने सबैभन्दा कम नर्दन टेरिटोरिमा खसेको छ । नर्दन टेरिटोरिमा ४७४ मत खसेको आयोगले जनाएको छ ।
यसैगरी, कुईन्स्ल्यान्डमा एक हजार सय २७९, भिक्टोरियमा एह हजार ४६७, साउथ अष्ट्रेलियामा एक हजार ८६, वेस्ट्रन अष्ट्रेलियामा एक हजार ४५६, अष्ट्रेलियन क्यापिटल टेरिटोरिमा एक हजार २४३ र तास्मानियामा ५९५ मत खसेको छ ।
यसैगरी एनआरएनए अष्ट्रेलिया निर्वाचनमा मतदाताको उत्सहाजनक सहभागिता देखिएको छ ।
आप्रवासी नेपाली समूदायले आफूले दुई वर्षपछि पुनः आफूले मन पराएको उम्मेदवारलाई जिताउन उत्सावहपूर्वक मतदान गरिरहेका छन् ।
मतदान बेलुकी बेलुकी ७ बजेसम्म जारी रहने छ ।
एनआरएनए अध्यक्ष पदका लागि सन्तोष कुँवर, सञ्जीव गोर्खाली ढकाल र भैरव ढकाल प्रतिस्पर्धामा छन् ।
यसैगरी, उपाध्यक्ष पदमा बबिन मिश्र र रमेश पौडेल र महासचिवमा चुडामणि सापकोटा, भरतमणि देवकोटा र अर्जुन गौतमबीच प्रतिस्पर्धा हुने छ ।
सचिव पदमा कल्याण खड्का र गणेशराज गौतम र कोषाध्यक्ष पदका लागि लुना सिवाकोटी र निजन चौलागाईंबीच प्रतिस्पर्धामा छन् ।
