राष्ट्रिय स्वतन्त्र पार्टी (रास्वपा)ले पार्टी अनुशासन उल्लंघन गरेको ठहर गर्दै एक निर्वाचन क्षेत्रस्तरीय पदाधिकारीलाई तीन दिनका लागि निलम्बन गरेको छ ।
पार्टीका अनुसार एक निर्वाचन क्षेत्र उपसंयोजकले पार्टीको अनुमति नलिई केन्द्रीय पदाधिकारीसँगको भेटको गोप्य भिडियो मोबाइलमार्फत रेकर्ड गरेका थिए । अनुशासनविपरीत भएको उक्त कार्यका कारण उनीमाथि कारबाही स्वरूप ३ दिनको निलम्बन गरिएको हो ।
रास्वपाले पदाधिकारीको व्यक्तिगत प्रतिष्ठामा आँच नपरोस् भन्दै कारबाही भोग्ने नेताको परिचय सार्वजनिक गरेको छैन ।
