सिड्नी । अष्ट्रेलियामा रहेका नेपाली मुस्लिम समुदायले बकर ईद (ईद–उल–अधा) उत्साहपूर्वक मनाएका छन् ।
Nepal Muslim Community in Australia को आयोजनामा तथा अध्यक्ष जमालुदिन मियाँ को नेतृत्वमा कार्यक्रम सम्पन्न भएको हो ।
सिड्नीको Guthi Party Palace मा आयोजित कार्यक्रममा सिड्नीमा बसोबास गर्ने नेपाली मुस्लिम समुदायको उल्लेखनीय उपस्थिति रहेको थियो । सहभागीहरूले एक–अर्कामा शुभकामना आदान–प्रदान गर्दै पर्व मनाएका थिए ।
कार्यक्रमलाई सम्बोधन गर्दै अध्यक्ष जमालुदिन मियाँले बकर ईद त्याग, बलिदान र मानवताको पर्व भएको उल्लेख गर्दै समुदायमा आपसी भाइचारा, सहिष्णुता र एकता अझ मजबुत बनोस् भन्ने शुभकामना व्यक्त गरे ।
आयोजकका अनुसार कार्यक्रम सौहार्दपूर्ण वातावरणमा सम्पन्न भएको थियो ।
