राष्ट्रिय मानव अधिकार आयोगले काठमाडौँ महानगरपालिकाका मेयर बालेन शाहसँग सोधपुछ गरेको छ ।
भदौ २३ र २४ गतेको घटना बारेमा आज आयोगले मेयर शाहसँग सोधपुछ गरेको हो ।
अनुसन्धान अधिकृतको टोलीले जेनजी आन्दोलनका बेला मेयर शाहले सामाजिक सञ्जालमा लेखेको स्ट्याटस (अभिव्यक्ति) र अरू घटनाक्रमबारे सोधपुछ गरेको हो ।
आयोगले मेयर साहसँग करिब दुई घण्टासम्म बयान लिएको छ । राष्ट्रिय मानव अधिकार आयोगका प्रवक्ता टिकाराम पोखरेलले भदौ २३ र २४ गतेको घटनाबारे अनुसन्धान भइरहेको जानकारी दिए ।
