काठमाडौँ । नेकपा (एकीकृत समाजवादी) र नेकपा एकता राष्ट्रिय अभियानबिच एकता घोषणा भएको छ । शुक्रबार राष्ट्रिय सभा गृहमा दुई पार्टीबिच एकता घोषणा भएको हो ।
एकता घोषणापछि दुई नेता माधव नेपाल र बामदेव गौतम अंकमाल गरी खुसी साटेका छन् । यसैगरी उनीहरुले सम्मानित नेता झलनाथ खनाल र महासचिव घनश्याम भूसालसँग पनि अंकमाल गरी खुशी साटेका छन्
कार्यक्रममा एकता राष्ट्रिय अभियानका केन्द्रीय सदस्यहरुलाई माधव र वामदेव दुवैले स्वागत गरेका थिए ।
गौतमले एकीकृत समाजवादीसँगको एकता प्रयास चार वर्षपछि सफल भएको बताएका थिए । एकीकृत समाजवादीमा गौतमलाई वरिष्ठ नेताको जिम्मेवारी दिने तय भइसकेको छ ।
