सिडनी—अस्ट्रेलियामा २०२५ को संघीय निर्वाचनमा लेबर पार्टीले ऐतिहासिक जित हासिल गर्दै एन्थनी अल्बानिजीलाई दोस्रोपटक प्रधानमन्त्रीको रूपमा निर्वाचित गरेको छ। यस जितसँगै उनी २१ वर्षपछि लगातार दुई कार्यकाल जित्ने पहिलो प्रधानमन्त्री बनेका छन्।
प्रारम्भिक परिणामहरू अनुसार, लेबर पार्टीले प्रतिनिधि सभामा ७६ सिट जित्ने प्रक्षेपण गरिएको छ, जसले बहुमतको सीमा पार गरेको देखिन्छ। यसका साथ, लेबर पार्टीको नेतृत्वमा सरकार गठनको बाटो खुला भएको छ।
विपक्षी नेता पीटर डटनले आफ्नो सिट डिक्सनमा लेबर उम्मेदवार अली फ्रान्ससँग पराजित भएका छन्। यो परिणामले लेबर पार्टीको विजयलाई अझ प्रबल बनाएको छ।
अस्ट्रेलियाली जनताले जीवनयापनको लागत, मुद्रास्फीति र ऊर्जा नीति जस्ता महत्वपूर्ण मुद्दाहरूमा सुधारको अपेक्षा राखेका छन्। यी मुद्दाहरूलाई मध्यनजर गर्दै, प्रधानमन्त्री एल्बानिजीले आगामी कार्यकालमा प्रभावकारी सुधारका लागि काम गर्ने बताएका छन्।
प्रधानमन्त्री एल्बानिजीको प्रतिवद्धता
विजयको अवसरमा, प्रधानमन्त्री एल्बानिजीले भावुक हुँदै “बेहतर र बलियो भविष्य” निर्माण गर्ने प्रतिवद्धता व्यक्त गरेका छन्। उनले आगामी कार्यकालमा जनताको जीवनस्तर सुधार्नका लागि थप ऊर्जा र उत्साहका साथ काम गर्ने बताएका छन्।
