काठमाडौं। नेपालले टी- २० विश्वकप अन्तर्गत भोलि बिहान दक्षिण अफ्रिकासँग खेल्दैछ।
समुह डी अन्तर्गत नेपालले भोलि बिहान नेपाली समय अनुसार बिहान ५:१५ बजेदेखि सुरु हुनेछ। यो खेल वेस्ट इन्डिजको सेन्ट भिसेन्टस्थित अरनोस भाल स्टेडियममा हुँदैछ।
जारी टी-२० विश्वकपमा दक्षिण अफ्रिकाले तीन खेलमा लगातार जित हासिल गर्दै सुपर आठमा पुगिसकेको छ। दक्षिण अफ्रिकाले यस अघि श्रीलंका, बंगलादेश र नेदरल्याण्डसलाई पराजित गरेको थियो।
त्यस्तै, नेपालले पहिलो खेलमा नेदरल्याण्डससँग हार बेहोरेको थियो भने श्रीलंकाविरुद्धको दोस्रो खेल बर्षाले रद्द हुँदा हुदा अंक बाँडेको थियो। नेपालका लागि सुपर आठमा पुग्न यो खेल जित्नै पर्ने अवस्था रहेको छ ।
दक्षिण अफ्रिका र नेपाल सिनियर तहमा पहिलो पटक अन्तर्राष्ट्रिय क्रिकेट खेल्न लागेका छन्।
