बारा । नेकपा (एकीकृत समाजवादी) का वरिष्ठ नेता झलनाथ खनालले नेकपा एमालेसँग एकीकरणको कुनै सम्भावना नरहेको बताउनुभएको छ। सिमरा विमानस्थलमा पत्रकारहरूसँगको कुराकानीमा खनालले यस्तो बताउनुबहेको हो।
खनालले भन्नुभयो, “अहिले पार्टीले कसैसँग एकीकरण गर्दैन, बजारमा आएका कुराहरू बेकारको कुरा हो, अहिले पार्टी महाधिवेशनको तयारी जुटेको र महाधिवेशनले नयाँ कार्यदिशा नीति सिद्धान्तको आधारमा पार्टीलाई रूपान्तरण गर्दछ।”
नेता खनालले पार्टीको महाधिवेशन पछि कार्यदिशा र सिद्धान्त कसैसँग मेल खान गएमा वा एकरूपता भएका एकीकरणलाई कसैले रोक्न नसक्ने पनि बताउनुभयो। उहाँले महाधिवेशनले पार्टीलाई वैचारिक,राजनीतिक र संगठानिक रूपले नयाँ उचाइमा पुर्याउने भन्दै पार्टी नेतृत्वलाई समेत रूपान्तरण गर्ने टिप्पणी गर्नुभयो।
नेकपा (एकीकृत समाजवादी) को यही असार १६ गतेदेखि २० गतेसम्म हुने पार्टीको १० औ महाधिवेशनमा ४ वटा एजेन्डाहरूमाथि छलफल हुने जनाइएको छ ।
