सिड्नी (अष्ट्रेलिया) । गैरआवासीय नेपाली संघ (एनआरएनए) अष्ट्रेलियाको न्यू साउथ वेल्स (NSW) राज्य समितिको आगामी कार्यकाल २०२५–२०२७ का लागि अनन्त गुरुङले राज्य कोषाध्यक्ष (State Treasurer) पदमा आफ्नो उम्मेदवारी घोषणा गरेका छन् । समर्पण, अनुभव र पारदर्शितालाई केन्द्रमा राखेर उनले “Experienced. Dedicated. Ready to Serve” भन्ने मुलनारासहित आफ्नो उम्मेदवारी सार्वजनिक गरेका हुन् ।
उनको उम्मेदवारी कुनै समूह या गठबन्धनको हिस्सा नभई व्यक्तिगत पहिचान, स्वतन्त्र सोच र समुदायप्रतिको सेवाभावमा आधारित छ ।
उम्मेदवारको पृष्ठभूमि र दृष्टिकोण
अनन्त गुरुङ अष्ट्रेलियामा बसोबास गर्दै आएका युवापुस्ताका एक सक्षम प्रतिनिधि हुन् । उनी वित्तीय अनुशासन, संस्थागत मजबुती, पारदर्शी कार्यशैली र समुदायप्रतिको जिम्मेवारीमा विश्वास राख्छन् ।
उनको अनुसार, राज्य कोषाध्यक्ष पद केवल खातापाता मिलाउने मात्र होइन, सम्पूर्ण संघीय आर्थिक संरचना र कार्यक्षमता सुनिश्चित गर्ने जिम्मेवारी हो । उनले NRNA NSW कोषलाई एक पारदर्शी, विश्वसनीय र समुदायदक्ष संरचना मा रूपान्तरण गर्ने स्पष्ट कार्ययोजना बोकेका छन् ।
“मेरो उद्देश्य केवल आर्थिक प्रशासन गर्नु होइन, आर्थिक जवाफदेहिता र समुदायप्रतिको विश्वसनीयता पुनर्स्थापित गर्नु हो । हामीले हाम्रो समुदायको हरेक डलर इमानदारीपूर्वक उपयोग भएको देखाउनै पर्छ,” गुरुङले भने ।
मुख्य उद्देश्य र एजेन्डाहरू
अनन्त गुरुङले राज्य कोषाध्यक्ष पदमा रहेर निम्न प्रमुख बुँदाहरूमा काम गर्ने प्रतिबद्धता जनाएका छन्:
– आर्थिक पारदर्शिता: आम्दानी–खर्चको नियमित विवरण, सार्वजनिक रिपोर्टिङ र लेखापरीक्षण
– उत्तरदायी बजेट प्रणाली: प्राथमिकताका आधारमा स्रोत व्यवस्थापन, अनलाइन ट्र्याकिङ प्रणाली
– डिजिटल वित्तीय प्रवाह: कोष व्यवस्थापनमा प्रविधिको प्रयोग, अप–टु–डेट सफ्टवेयर प्रणाली
– युवाको सहभागिता: वित्त व्यवस्थापन तालिममार्फत नेपाली युवालाई प्रशिक्षित र समावेश गर्ने
– समुदाय सशक्तीकरण: परियोजनाका लागि अनुदान व्यवस्थापन, स्थानीय संस्थाहरूसँग सहकार्य
– संवेदनशीलता: दुव्र्यवस्था, अनियमितता वा भेदभावजन्य क्रियाकलापहरू विरुद्ध स्पष्ट नीति
समुदायप्रतिको प्रतिबद्धता
उनले उल्लेख गरेका छन् कि कोषाध्यक्ष पदमा बस्ने व्यक्तिले राजनीतिक उद्देश्यभन्दा माथि उठेर, समुदायको हितमा इमानदार रूपमा सेवा गर्नु अनिवार्य छ । अनन्त गुरुङले अघिल्लो कार्यकालमा देखिएका केही असन्तुलनहरूलाई सुधार गर्ने दृढता व्यक्त गरेका छन् ।
“एनआरएनए कुनै व्यक्तिको होइन, यो हामी सबै नेपालीहरूको साझा संस्था हो । यसको कोष हाम्रो मेहनतको सङ्गालो हो । जसको हरेक हिसाब खुला र जनउत्तरदायी हुनैपर्छ ।”
निर्वाचन मिति र आह्वान
एनआरएनए अष्ट्रेलिया निर्वाचन मिति: जुलाई २६, २०२५ (शनिबार) हुँदै छ भन मतदाता दर्ता प्रक्रिया अन्तिम चरणमा पुगेको छ । अनन्त गुरुङले सबै मतदाताहरूलाई निष्पक्ष मूल्याङ्कनसहित आफूलाई समर्थन गर्न आग्रह गरेका छन् ।
“हामी सबै मिलेर नेपाली डायस्पोरालाई अझ सक्षम, जिम्मेवार र आत्मनिर्भर बनाउन सक्छौं । तपाईंको विश्वास र सेवाको उत्तरदायित्व लिन म तयार छु ।”
