काठमाडौँ । रामेछापमा युवतीमाथि खुकुरी प्रहार भएको छ । उमाकुण्ड गाउँपालिका–६ स्थित गुप्तेश्वरमा २७ वर्षीया एसिला सुनुवारमाथि खुकुरी प्रहार भएको हो ।
खुकुरी प्रहारबाट उनको बायाँ हात पछाडिको पातामा चोक लागेको छ ।
बिहीबार उनलाई ३२ वर्षीय रजिन सुनुवारले खुकुरी प्रहार गरेका हुन् । उनलाई सिम्रिक एयरको हेलिकोप्टरमार्फत काठमाडौँ ल्याएर केएमसी अस्पतालमा उपचार भइरहेको छ ।
रामेछापका डीएसपी भोला भट्टका अनुसार खुकुरी प्रहारमा संलग्न रजिनलाई पक्राउ गरिएको छ । घटनाबारे प्रहरीले थप अनुसन्धान गरिरहेको छ ।
