काठमाडौंस्थित अमेरिकी दूतावासका जनसम्पर्क प्रमुख माइक हार्करले विश्वकै सर्वोच्च शिखर सगरमाथाको सफल आरोहण गरेका छन् ।
अमेरिकी दूतावासका अनुसार, उनले मे २०, २०२६ को बिहान ९:१० बजे सगरमाथाको सफलतापूर्वक आरोहण गरेका हुन् । उनी सगरमाथा शिखरमा पुग्ने पहिलो सेवारत अमेरिकी कूटनीतिज्ञ भएको दूतावासले जनाएको छ ।
काठमाडौंस्थित अमेरिकी दूतावासले शुक्रबार एक विज्ञप्ति जारी गर्दै हार्करको प्राप्त गरेको सफलता पर्वतारोहण र कूटनीतिक लागि एउटा कोसेढुंगा भएको बताएको छ ।
‘यो उपलब्धि अमेरिकी स्वतन्त्रताको आगामी २५०औँ वार्षिकोत्सव, फ्रिडम २५० को लागि गर्वको क्षण हो, जसले अमेरिकी साहस, धैर्य र अन्वेषणको भावनाको सम्झना गराउँछ,’ दूतावासले भनेको छ ।
हार्करको अभियान २००६ मा अन्नपूर्ण आधारशिविरको पदयात्राको क्रममा सुरु भएको थियो । यसको २० वर्षपछि उनले सगरमाथाको सफल आरोहण गरेका हुन् ।
