नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आगामी २१ फागुनमा तय भएको आमनिर्वाचन समयमै सम्पन्न गराउनुपर्नेमा जोड दिएका छन् ।
काठमाडौंको प्रज्ञा भवनमा जारी माओवादी केन्द्रको केन्द्रीय समिति बैठकमा अध्यक्ष प्रचण्डले सम्बोधन गर्दै लोकतान्त्रिक प्रक्रिया जोगाउन निर्वाचन अपरिहार्य भएको तर्क गरेका हुन् ।
‘लोकतन्त्र रक्षाका लागि २१ फागुनको निर्वाचन सम्पन्न गराउन माओवादीले विशेष जोड दिने हो,’ उनले भने, ‘त्यसका लागि पार्टीले वातावरण बनाउन मेहनत गर्नुपर्छ ।’
