काठमाडौँ । नेपाली बजारमा शुक्रबार सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघले आज छापावाल सुन तोलामा दुई लाख १५ हजार ८०० रुपैयाँ पुगेको जनाएको छ ।
सोही सुन प्रति १० ग्रामकै एक लाख ८५ हजार १५ रुपैयाँ पुगेको छ ।
यसअघि बिहीबार छापावाल सुन तोलामा दुई लाख १४ हजार ७०० रुपैयाँ कायम भएको थियो ।
यस्तै, चाँदीको मूल्यमा पनि वृद्धि भएको छ । बिहीबार तोलामा दुई हजार ५०५ रुपैयाँ कायम भएको चाँदीको मूल्य शुक्रबार बढेर तोलामा दुई हजार ५६५ रुपैयाँ कायम भएको महासंघले जनाएको छ ।
