सिड्नी (अष्ट्रेलिया) । गैरआवासीय नेपाली संघ (एनआरएनए) अष्ट्रेलियाको न्यू साउथ वेल्स (एनएसडब्लु) राज्य संयोजक पदमा उषा किरण बारिया पोखरेल विजयी भएकी छन् ।
एनआरएनए अष्ट्रेलियाको २०२५–२७ कार्यकालका लागि शनिबार सम्पन्न भएको निर्वाचनमा एनएसडब्लु राज्य संयोजक पदमा पोखरेल निर्वाचित भएकी हुन् ।
टिम एकताबाट एनएसडल्लु राज्य संयोजक पदमा उम्मेदवारी दिएकी पोखरेलले १२ सय ९१ मत प्राप्त गरेकी छन् ।
समाजसेवा, महिला सशक्तिकरण र घरेलु हिंसाविरुद्धको अभियानमा लामो समयदेखि सक्रिय रहेकी पोखरेल समुदायमा लोकप्रिय छवि भएकी महिला हुन् ।
घरेलु हिंसाविरुद्धको हरेक अभियानमा अग्रसर रहेकी पोखरेलले आफू एनआरएनए निर्वाचनमा एनएसडब्लु राज्य संयोजक पदमा निर्वाचित भएसँगै महिला सहभागिता र नेतृत्वलाई सुदृढ बनाउने बताएकी छन् ।
