काठमाडौं। यूरोकप २०२४ अन्तर्गत जारी खेलमा इङ्ल्याण्ड क्वार्टरफाइनलमा प्रवेश गरेको छ।
गएराति भएको स्लोभाकिया र इंग्ल्याण्ड बीचको खेलमा स्लोभाकियालाई २-१ गोल अन्तरले पराजित गर्दै इङ्ल्याण्डले क्वार्टरफाइनलमा आफ्नो स्थान पक्का गरेको हो।
इङ्ल्याण्डले १-० गोलले पछि परेको अवस्थामा कम ब्याक गर्दै जित हासिल गरेको हो। इङ्ल्याण्डले दुवै गोल ९० मिनेटपछिको इन्जुरी समयमा गरेको थियो।
खेलको ९१औं मिनेटमा ह्यारी केनले र खेलको ९५औ मिनेटमा जुडे बेलिंगघमले गोल गर्दै जित दिलाएका थिए। यस अघि खेलको २५औं मिनेटमा स्लोभाकियाका लागि इभन स्च्रांजले गोल गर्दै शुरुवाती अग्रता दिलाएका थिए।
अब क्वाटरफाइनलमा इङल्याण्डले स्वीट्जरल्याण्डको सामना गर्ने छ। यो खेल आगामी जुलाई ६ मा हुनेछ। त्यस्तै हारसहित स्लोभाकिया भने युरोकपबाट बाहिरिएको छ।
