काठमाडौं । पोप फ्रान्सिसले समलैंगिक पुरुषहरूप्रति अत्यधिक अपमानजनक भाषा प्रयोग गरेको रिपोर्टले दाबी गरेपछि माफी मागेका छन्।
भ्याटिकनले जारी गरेको एक विज्ञप्तिमा पोपले कसैलाई ठेस पुर्याउने मनसाय नभएको र “उनको शब्द प्रयोगबाट दुखित भएकाहरू” सँग माफी मागेको बताएको छ।
इटालियन विशप सम्मेलनमा पोपले समलिङ्गी व्यक्तिहरूलाई पादरी बन्नको लागि तालिम दिनु हुँदैन भनेका थिए। यो भनिरहँदा उनले समलिङ्गीका लागि ‘फ्रोसियाजिन’ शब्द प्रयोग गरे जुन निकै अपमानजनक शब्द हो ।
यो एक निजी बैठक थियो तर उनको बयान व्यापक रूपमा रिपोर्ट गरिएको थियो।
पोपको टिप्पणीमा विवाद भएपछि, क्याथोलिक चर्चको परिचालक निकाय होली सीका निर्देशक म्याटियो ब्रुनीले एक विज्ञप्तिमा भने: “पोप फ्रान्सिस बन्द ढोका पछाडि विशपहरूसँगको कुराकानीको बारेमा हालै प्रकाशित लेखहरू बारे सचेत हुनुहुन्छ।”
पोपको कथित टिप्पणीहरू पहिले इटालियन ट्याब्लोइड वेबसाइट डागोस्पिया द्वारा रिपोर्ट गरिएको थियो र चाँडै अन्य इटालियन समाचार एजेन्सीहरूले पुष्टि गरे।
यस रिपोर्टमा पोपले प्रयोग गरेको भाषा अचम्मको थियो किनभने पोप फ्रान्सिसले प्राय: सार्वजनिक रूपमा समलिङ्गी व्यक्तिहरूलाई सम्मान गर्ने कुरा गरेका छन्।
