काठमाडौं। काठमाडौं महानगरका मेयर बालेन शाह फ्रान्समा आयोजित कान्स फिल्म फेस्टिभलको ७७औँ श्रृङ्खलाको रेड कार्पेटमा सहभागी भएका छन्।
बालेन कान्सका मेयर डेभिड लिसनार्डको निमन्त्रणामा कान्स फिल्म फेस्टिभलमा सहभागी भएका हुन्।
बालेन फेस्टिभलका विभिन्न कार्यक्रममा सहभागी हुने कार्यक्रम रहेको छ। फेस्टिभलको रेडकार्पेट र प्रिमियर कार्यक्रममा सहभागी भएका उनले मेयर लिसनार्ड र फेस्टिभल निर्देशकसँग भेटवार्ता गरेका छन्।
यस्तै उनले अडियो भिजुअल कन्टेन्ट क्रियशन चेनको पनि अवलोकन गर्नेछन्। उनको सम्मानमा कान्सको मल्टिमिडिया लाइब्रेरीमा रिसेप्सनको आयोजना हुनेछ। फेस्टिभल १२ दिन चल्नेछ। यीमध्ये प्रमुख शाह ३ दिनको कार्यक्रममा सहभागी भएर जेठ ७ गते स्वदेश फर्किने कार्यक्रम रहेको उनको सचिवालयले जनाएको छ।
