भोलि कतारका अमिर नेपाल आउँदै: राष्ट्रपति पौडेलले स्वागत गर्ने

काठमाडौं। कतारका अमिर शेख तामिम विन हमद अल थानी भोलि मंगलबार दुई दिने राजकीय भ्रमणमा नेपाल आउँदै हुनुहुन्छ।
अमिरलाई राष्ट्रपति रामचन्द्र पौडेलले स्वागत गर्ने कार्यक्रम तय भएको छ।

परराष्ट्र मन्त्रालयका अनुसार अमिर थानीलाई मंगलबार अपराहन्न ५ः३५ मा त्रिभुवन अन्तर्राष्ट्रिय विमानस्थलमा राष्ट्रपति पौडेलले स्वागत गर्नुहुने भएको छ। अमिरको सुरक्षाको जिम्मा नेपाली सेनाले लिएको छ।

सो अवसरमा सरकारले मंगलबार सार्वजनिक बिदासमेत दिएको छ।