काठमाडौं । अमेरिकाले इरानी राष्ट्रपति इब्राहिम रायसीको पाकिस्तान भ्रमणमा दुई देशबीचको व्यापारिक सम्झौतालाई लिएर प्रतिक्रिया दिएको छ ।
अमेरिकाले इरानसँगको व्यापार सम्झौतालाई लिएर पाकिस्तानलाई ‘प्रतिबन्धको सम्भावित जोखिम’ बारे चेतावनी दिँदै इरानविरुद्ध कारबाही जारी राख्ने बताएको छ।
पाकिस्तानको ब्यालिस्टिक क्षेप्यास्त्र कार्यक्रमका आपूर्तिकर्ताहरूमाथि प्रतिबन्ध लगाउन दबाब दिँदै अमेरिकी विदेश मन्त्रालयका उपप्रवक्ता वेदान्त पटेलले भने, “हामी जहाँसुकै भए पनि आम विनाशकारी हतियार खरिदसँग सम्बन्धित गतिविधिहरूमा अवरोध र कारबाही जारी राख्नेछौं।”
“मैले भन्नु पर्ने भनेको कुनै पनि देशलाई प्रतिबन्धको सम्भावित जोखिमको बारेमा होसियार रहन सल्लाह दिन्छौं। तर अन्ततः पाकिस्तानको सरकारले आफ्नो विदेश नीति सम्बन्धी कुरा राख्न सक्छ।”
इरानी राष्ट्रपति रायसी पाकिस्तानको तीन दिने औपचारिक भ्रमणमा छन् । यस अवधिमा दुई देशबीच आठ वटा द्विपक्षीय सम्झौता भएको छ ।
अमेरिकी प्रवक्ताले अन्तर्राष्ट्रिय समुदायमा इरानको स्थितिका कारण प्रतिबन्धहरूले यी सम्बन्धहरूलाई खतरामा पार्न सक्ने सम्भावनालाई औंल्याए।
