एसिसी महिला एसिया कप क्रिकेट प्रतियोगिताको समूह चरण अन्तर्गत नेपालले आज आफ्नो अन्तिम खेलमा भारतको सामना गर्दैछ। यो खेल श्रीलंकाको रंगिरी डम्बुला अन्तर्राष्ट्रिय क्रिकेट मैदानमा नेपाली समयअनुसार बेलुका सवा ७ बजे सुरु हुनेछ।
सेमिफाइनलमा पुग्नका लागि नेपाललाई आजको खेलमा भारतलाई जित्नैपर्ने दबाब छ। समूह ‘ए’ मा नेपाल र पाकिस्तान दुबैका २–२ अङ्क छन्।
पहिलो खेलमा यूएईलाई ६ विकेटले हराएको नेपाल दोस्रो खेलमा पाकिस्तानसँग ९ विकेटले पराजित भएको थियो। भारतले २ खेल जितिसकेको छ भने यूएईले २ खेलमा हार बेहोरेको छ।
